Ой всердилася жона на мужа,
Вилізла на пєц: «Ой я недужа!» (Двічі)

Обернулась в кут головойов:
— Ой мужу, мужу, бануй за мнойов! (Двічі)

Ой мужу, мужу-невірничейку,
Не віриш мені, мому личейку! (Двічі)

Взяла плахтину та й на подушину,
Та й пішла спати на стаєнчину. (Двічі)

А він за невйов із периновйов,
Вна го друшила із драбиновйов. (Двічі)

— Ой купи мені ключ-колодочку,
Замикай мене в сву коморочку! (Двічі)

Як мене схотять хлопці любити,
Будуть ся твої замки ломити. (Двічі)

Ой купи, милий, собі дзвіночок,
Прив’яжи мені під подолочок! (Двічі)

Що я ся рушу, дзвонити мушу,
Бам-бам-бам, мужейку, на твою душу. (Двічі)